التعرف على أجزاء الذبيحة وأنسب الطرق لطهيها

[RAYA]

اجزاء الذبيحه او العجل

طبعا مع اختلاف انواع اللحوم من بتلو
لضانى لمسكارى
للحم الغنم للحم الغزلان
المهم تختلف الأسماء والاشكال والمذاق لكن الاجزاء واحده

ومن هنا حقسم العجل الى 3 اجزاء
اولاالرأس وما فيها من -مخ[*]لحمة راس[*]لسان

ثانيا انواع اللحوم

الرقبه (لحمه دوش)[*]الصدر (لحمه سن)(لحمة الضلوع)[*]عرق الفلتو[*]الروزبيف[*]الانتركوت[*]عمود الفخده(التربيانكو)[*]وش الفخده[*]الموزه

ثالثا ما بداخل الذبيحه

القلب[*]الكبده[*]الكلاوى[*]الفشه[*]الكرشه[*]المنديل[*]الامعاء الدقيقه (السجق)[*]الامعاء الغليظه (الممبار)[*]وطبعا مش حننسى الديل (العكاوى)[*]الكوارع[*]الريش

__________________

اجزاء الذبيحه او العجل

طبعا مع اختلاف انواع اللحوم من بتلو
لضانى لمسكارى
للحم الغنم للحم الغزلان
المهم تختلف الأسماء والاشكال والمذاق لكن الاجزاء واحده

ومن هنا حقسم العجل الى 3 اجزاء

• اولاالرأس وما فيها من

1. مخ
2. لحمة راس
3. لسان

• ثانيا انواع اللحوم

1. الرقبه (لحمه دوش)
2. الصدر (لحمه سن)(لحمة الضلوع)
3. عرق الفلتو
4. الروزبيف
5. الانتركوت
6. عمود الفخده(التربيانكو)
7. وش الفخده
8. الموزه

• ثالثا ما بداخل الذبيحه

1. القلب
2. الكبده
3. الكلاوى
4. الفشه
5. الكرشه
6. المنديل
7. الامعاء الدقيقه (السجق)
8. الامعاء الغليظه (الممبار)
9. وطبعا مش حننسى الديل (العكاوى)
10. الكوارع
11. الريش

وبعد ما اتكلمنا عن اسماء الاجزاء

حنتكلم عن انسب الطرق للطبخ

اولا جدير بالذكر اننا نعرف

ان لحم الابقار اطرى من لحم الجاموس

وان كل ما صغر سن الذبيحه كل ما كان لحمها اطرى

نبدأ

اولا الرقبه (لحمه دوش)

والنوع ده من اللحمه شديد جدا

على صغار وكبار السن لانها بتاخد وقت كتير على النار وحتى لو استوت بتكون شديده

ثانيا لحم الصدر (لحمه سن)(لحمة الضلوع)

طبعا الاسامى تختلف والجزء واحد

القطعه ده تختلف تماما مع السن لانها طريه جدا وبتنفع للسلق ومع الخضار

ثالثا عرق الفلتو او العمود الفيليه

وده غنى عن التعريف

اطرى قطعة لحمه فى العجل كله

ممكن سلق وشوى وقلى ماعدا الاسكالوب

لان انسجتها ضعيفه ولو ادقت حتتفكفك من بعضها

وطريقتها المفضله عندى

بعد تنضيف العمود من الدهون كلها

بحضر علب التتبيلات الجاهزه زى بهارات تتبيله الكفته او الهمبورجر و الباربيكيو والفراخ المشويه وافرط عليهن مكعبات مرقه علشان اظبط الحدق

وادحرج العمود فيهم وبعد كده اقليه فى مقلايه فيها قليل من الزيت على نار عاليه مع التقليب علشان تنشف الطبقه الخاجيه

وبعد ما يبرد اقطعه شرائح وارجع اقليه فى نفس المقلايه يادوب ياخد تسويه بسيطه على الجانبين بقليل من الملح والفلفل

*

رابعا الروزبيف او الانتركوت

وهى ايضا من النوعيات الطريه جدا

لكن اشد من الفلتو

وممكن تتعمل منها الاسكالوب

يعنى تتحمل الدق علشان تتفرد وتتهتك الانسجه

ولكن علشان اولادى مايحبوش البانيهات فبعملها مع الخضار وغالبا مع صينية البطاطس بالفرن

[RAYA]

خامسا الT بون ستيك او التيبون ستيك

والجزء ده مشترك بين عمود الفلتو والروزبيف وهو عباره عن عظمه على شكل حرف T وبيكون على الناحيه اليمين العمود الفلتو وعلى الناحيه الشمال الروزبيف وتؤكل مشويه






سادسا عمود الفخده(التربيانكو)

وهو ما يعرف بعمود اللحم البارد
والجزء ده شديد ومحتاج تسويه
ويستخدم فى السلق و الخضار والعمود البارد

سابعا وش الفخده

وده الجزء الوحيد اللى ممكن يشوى من الفخده لانه طرى جدا وينفع للستيك بانواعه

ولكن عندى ملاحظه فى تقطيع اى جزء لحمه وبالاخص وش الفخده

فى اى قطعة لحمه نسيج او اتجاه للانسجه فلازم التقطيع يكون بشكل عرضى وليس طولى













وبعد التقطيع شرائح لو سميكه اقطعها قطع للخضار او مكعبات زى الكباب حله
والفرق بين الكباب حله وقطعيات لحمة الخضار التنيه ان الكباب حله بتكون خاليه من الدهون






لو رفيعه تكون للشوى او الاستيك

ثامنا الموزه

يا عينى يا عينى على الموزه
من الذ واطرى انواع اللحمه وبتكون ملبسه بالدهن الخفيف
وطبعا تنفع للسلق و الخضار والطبخ زى العمود البارد

وطبقى المفضل ليها
هى الموزه بتقلية التوم والكسبره

ودايما بعملها مع الملوخيه
لانى بعد ما بسلق الموزه وهى شرائح
بحمرها فى معلقتين سمنه
وبعد ما تتحمر انزل عليها بجزء من تقلية الملوخيه وعليها مغرفتين شوربه يا دوب تغلى غلوه واحده واظبط ملحها واقدمها مع الصوص بتاعها

[الاء الرحمن]

[RAYA]

تسلميلى وربنا يخليكى ليه

[بيدوو]

يمى يمى جوعتينى والله موضوع تحفه تسلم ايدك