[simsim]

موضوع رائع
ما شاء الله
انا هتكلم سريعا
و ان شاء الله لما افضى اعمل موضوع كامل
اولا احنا 3 ولاد
اخويا الكبير دكتور اسنان
و انا صيدلى
و الصغير طالب فى هندسة
انا شايف ان اول تضحية امى عملتها هى انها سابت شغلها بسببى
بالرغم من انها كانت ممكن تبقى دلوقتى مديرة كبيرة جدا
لكنها فضلت تقعد فى البيت و ترعانى و ده كان سبب فى انها فقدت وظيفتها
و بعدين ربتنا و كانت بتودينا نحفظ قرآن و احنا صغيرين
كانت مظبطانا من الاخر
....
هاكمل بعدين بقى ان شاء الله
:)

[ashki]

	منورين يا جماعة بقصصكم الجميلة دى وانا فى انتظارك يا بيدو وفى انتظارك يا دكتور سمسم وفى انتظار كل اعضاء هاى ماما وبجد سعيده ان الموضوع عجبكم

[بندقه]

فكره جميله جداااااااااااا يا اشكي وانشاء الله هحضرلك موقف واقولهولك

[crazy moon]

بسم الله الرحمن الرحيم

اولا انا نفسى ان امهاتنا جميعا تاخد لقب الام المثاليه لان كل واحد فينا

شايف ان امه يجب ان تكون مثاليه ونحن انفسنا نلقبها ذلك اللقب من دون مسابقه

امى

اولا اسمحولى اقولها

مليون شكر بحب يامى

يالى رضاكى من رضا ربى

دايما بسم الله بتسمى

وصريحه وعمرك ما تخبى

بحر حنانك ماشى فى دمى

حتى فى عز القسوه تحبى

طول حياتك شايله همى

وفى الاخره اسمك ورا اسمى


امى دى احلى كلمه المهم ان امى دى عظيمه اوى

فى حياتى عمرى ماشوفت زيها اكيد كلنا بنقول علىة امنا نفس الكلام بس انا حاسه بكدا

امى عملت على تربتنا احسن تربيه لان ابى كان على طول مسافر بره حسب شغله يعنى

مش عايزه اظلمه على كده بس امى كانت لينا بمثابه الاب والاب والاخت والصديقه كانت

يعنى 4فى واحد وافتكر ليها انها كانت محوشه فلوس علشان تعمل عمره

بس اختى التؤام عملت عمليه الزايده وانا وراها باسبوع فصرفت الفوس عليها وعليه

يعنى مصاريف العمليه والعلاج يعنى ضحت بالعمره علشانا

وافتكر ليها ان يوم ما تعبت جدتى (حماتها) اتبرعت ليها بكليتها وكيسين دم

وبعد ما اتوفت جدتى تعبت امى وجالها السكر زعل على وفاه جدتى

وافتكر ليها يوم ما جه حبيبى علشان يخطفنى على بيت الزوجيه وقفت جانبى بصراحه

علشان بابا كان عايزنى اتجوز واحد من ولاد زمايله فى الشغل بس امى وقفت بجانبى

واقنعت بابا ووافق وبارك الزواج

وافتكر ليها ان مره زعلت مع حبيبى واحنا مخطوبين ووصلت لدرجه فسخ الخبطه ده كان

الساعه 11 باليل فاقنعت بابا ونزلوا سوا البيت عند حبيبى وصلحونى عليه

وافتكر ليها انها الوحيده اللى كانت موافقه على سفر اختى لامريكا لظروف شغل زوجها

وكلنا قلنا لاء وبعدين اتعودنا وانا اكتر واحده زعلت منها علشان دى روحى يعنى تؤامى

بس فهمتى ان ده مصلحه ليها ولزوجها ويجب انها تضحى علشان زوجها

وافتكر ليها انها ربتنا على الدين والاخلاق والصلاه وعلمتنا الصلاه والصوم وهيه خلتنا نلبس

الحجاب فى 5 ابتدائى وكمان كانت خيره جدا والى فى ايدها مش ليها

بس دى حاجات وفى حاجات كتيره مش هاقدر اقولها سامحونى

وفى النهايه انا اسفه اوى ان انا طولت عليكم

بجد اقول لامى فى النهايه انك فعلا مثاليه من دون مسابقه

واحسن زوجه واحسن ام واحسن اخت واجمل صديقه

واحسن واحده تكتم الاسرار

واقولك فى النهايه يا امى

مين كبرنى ومين ربانى مين بشيل الهم مكانى

مين غيرك انتى يا ست الكل

كل سنه وانتى طيبه يا امى

عيد ام سعيد عليكى وعلى جميع الامهاااااات

كل سنه وامهاتنا بخير وسعاده

بحبك يا امى.....

شكرا لكم جميعااااا

[هبه اسلام]

فكرة جميلة جدااااااااااااااااااااااا اااا
وبختصار ان امي اعظم واحلى واجمل ام فى الدنيا
بجد انا من غيرها مركب من غير شراع
امى احن مخلوقة
بتعرف امتة تضحكنى وامتة تحضنى وامتة تطبطب عليا بتعرف امتة تعاقبنى وامتة تسمحنى
حضنها بالنسبة لى الدنيا وما فيها والله لما بكون فى حضنها بنسي الدنيا بنسي كل حاجة مضيقانى
امى عبقرية وذكية جدااااااااااااااااااااااا ااااا بتحس بيا بدرجة بجد والله مش هقدر اوصفها بالكلام
كفاية انها بتعرف تفصل بين
امتة تكون صحبتى
وامتة تكون امى
بحبك يا امى ولو اتكلمت من هنا 21 سنة بعدد سنين عمرى مش هقدر اقولك ولا اوصفلك مدى حبى وتقديرى ليكى
بحبك يا اعظم ام واحن قلب واحلى ضمة حضن بالعالم كلة