 قطر الذكريات
الذكريات قطر
ماشي فى الحياة كل محطة ناس تنزل وناس تطلع ناس بتكرة وناس بتحب
وهو قطر وماشي بدون توقف
بنقابل ناس ونفارق ناس وقلوبنا واحد تفتكر قلبك ذى ما هو علية وانت طفل
لية دائما بنقول
لو ارجع طفل من تاني
لية بنتمنى دائما لما نفتكر موقف طفولى نضحك وعيون تدمع تتمنى انك ترجع لطفولتك
انت سعيد مبسوط راضي عن حياتك
قلبك ايوة قلبك بيحب ولا بيكره بيحس بغيرة بيتألم من الفراق وبيفرح باللقاء
حاسس الكلام اللى انت دلوقتى بتقرأه
تعالوا نتكلم
عن قلبك
عن قطرك
عن مشاعرك
عن مشاكلك
عن كل ما بداخلك
عن مشاهد حياتك
كل واحد مننا مرت بية مواقف تعال يالة بينا نحكيها لبعض نتعلم من اخطاءنا
تعالى نفتح مع بعض دفتر حياتك ونقلب الصفحات ونقرأ السطور
هنفضفض وانحكى تجارب الحياة من قلوبنا
من قلوبنا هنوصل مشاعرنا وكلامنا
مش هنخاف ولا هنقلق
هنتكلم بصراحة
بالحب هنوصل والنور هينور حياتنا من غير لا خوف ولا قلق هنتكلم بصراحة بدون قيود
انت ايوة انت يالة اتكلم احكى واكيد هنسمعك ايوة هنسمعك كلنا هنساعد بعض
مين فينا مش حاسس انة مخنوق ومكبوت مين مش بيحس ان في حاجة فى قلبة غلط مش قادر تفهمها ولا قادر تعبر عنها
مين فينا حياة بالنسبة لة مش علامة استفهام؟؟؟
واحيانا علامة تعجب!!!
مش واضحة يعنى لغز مش قادر يحلة تعب من التفكير
تعال نسأل بعض ؟ ونستفيد من بعض ؟
انت مين
عايش لية
وياترى وصلت للى حلمت بية
راضي عن نفسك
تعبتى من التفكير وخلاص مش قادرة تستحملى صوت القطر
طيب تعال نتجمع فى القطر اللى احنا كلنا ركاب فية
التعديل الأخير تم بواسطة هبه اسلام ; 02-12-2010 الساعة 02:02 AM.
| 
العرض العادي
